X
GO
kl-GLda-DKen-GB
Text/HTML

Saqqummiisussat

 

Martin Breum

Danmarkimi Arktis-ip ineriartornera Naalagaaffeqartigiinnerup iluani Danmark-ip, Kalaallit Nunaata Savalimmiullu akornanni pisunik malinnaasut siuttorivaat. Arktis Kalaallit Nunaallu pillugit arlalinnik atuakkiaqarpoq. Martin Breum tusaqassiortutut Danmarks Journalisthøjskolianni 1982-imi ilinniagaqarsimavoq, aamma ilinniagaqareernermi kingorna ilaatigut Informationimi, qaammammut saqqummertartumi PRESS-imi TV-aviisimilu sulisimavoq, tusagassiortutut pikkorissaanermilu aqutsisutut ukiut tallimat ingerlaneranni Afrikami aamma pisortap tulliatut International Media Support-imi. 2003-imiit 2014-ip tungaanut DR2-p nutaarsiassanik aallakaatitsiviani Deadline-imi aallakaatitsinermi ingerlatsinermi atuussimavoq. Martin Breum Future Greenland-imi aaliangersimasumik ataatsimiinnerni aqutsisutut/aallarniisutut ingerlatsisarpoq.

 

Maja Motzfeldt-Haahr

Siunnersuisoqarfimmik TUC Greenland-imik piginnittoq, taanna sulisunik- aamma pisortanik inerisaanermik suliaqarpoq. Siornatigut Air Greenland-imi Kalaallit Forsikring-imilu sulisimavoq. Siullermeerluni ataatsimiinnermik aqqutsisutut/aallarniisartutut Future Greenland-imi atuutissaaq.

 

Christian Keldsen

Sulisitsisuni pisortaq 1. november 2020-imiilli atorfeqalerpoq. Siornatigut niuernermut tunngasunut Air Greenland-imi pisortaasimavoq. Siunnersorteqarfimmik Visiobox Consulting-imik Nuummi aallarneeqataasimavoq, taakkua suliaraat aqutsinermik- iliuusissanillu pilersaarusiornermik siunnersuisarput. Christian Keldsen inatsisilerituutut ilinniarsimavoq aamma Tuluit Nunaat Nordirland-ilu sinnerlugit konsuliuvoq.

Powerpoint aajuk

 

Múte Bourup Egede

Naalakkersuisut siulittaasuatut 23. april 2021-imiilli inissisimavoq. 2018-imiilli Inuit Ataqatigiit partianut siulittaasoq. 2015-imiilli Inatsisartunut ilaasortaq. Múte Bourup Egede-p kultur- aamma samfundshistorie Ilisimatusarfimmi, Kalaallit Nunata Universititiani atuarsimavaa.

 

Lars Løkke Rasmussen

Siornatigut statsministeriusimasoq. Folketingip gruppiisa avataaniilluni Folketingimi ilaasortaq. Parti Moderat-inik aallarniisoq. Siornatigut parti Venstre-inut siulittaasuusimasoq. Lars Løkke Rasmussen inatsilerituutut ilinniagaqarsimavoq. Siornatigut Frederiksborg Amt-imi amtsborgmesteriusimavoq, siornatigullu aamma peqqinnissamut aamma aningaasaqarnermut ministeriusimavoq.

 

Martin Lidegaard

Folketing-imut ilaasortaq, Radikale Venstre-it folketingsgruppianni siulittaasup tullia. Ilaatigut Kalaallit Nunaat Savalimmiullu pillugit suliassanut oqaaseqartartoq. Martin Lidegaard cand.comm.-itut ilinniarsimavoq. Siornatigut nunanut allanut ministeriusimasoq aamma klima-, nukissiorneq- aamma illuliornernut ministeriusimasoq.

 

Aaja Chemnitz Larsen

2015-imiilli Inuit Ataqatigiit sinnerlugit Folketing-imut ilaasortaq. Folketing-ip Kalaallit Nunaat pillugu ataatsimiititaliaanut siulittaasoq. Inatsisartunut ilaasortaq 2014-imiit 2018-imut. Aaja Chemnitz Larsen cand.scient.adm.-itut ilinniarsimavoq.

 

Carl Bildt

Sverigemi siornatigut ministeriunerusimasoq 1991-imiit 1994-imut. Nunanut allanut ministeri 2006-imiit 2014-imut. 1986-imiit 2001-imut Moderata Samlingsparti-mut siulittaasoq. Carl Bildt EU-p 1995-imi eqqissinissamut isumaqatigiinniartartorisimavaa siornatigut Jugoslaviakumi; isumaqatigiinniarnernut ukiumi tassani peqataavoq, taassumalu kingunerivaa Daytonaaftalemik taaneqartoq aamma 1995-imiit 1997-imut nunani allani inuiaqatigiit FN-ip generalsekretæriata immikkut ittumik Bosnien-Hercegovinami  aallartitarisimavaa. 1999-imiit 2001-imut FN-ip generalsekræteriata immikkut ittumik Balkan-imut aallartitarisimavaa. Carl Bildt annertoorujussuarmik nunat assigiinngitsut akornanni kattuffiini eqqarsaatersortartullu akornanni suliaqartarsimavoq.

Powerpoint aajuk

 

Lars Sandahl Sørensen

Dansk Industri-mi (DI) august 2019-imili pisortaaneq. Siornatigut suliffeqarfissuarmi SAS-imi pisortaasimasoq, ilaatigut suliffeqarfissuut ineriartortinneranut- aamma allannguinissanut suliuniutaanut siuttuusimalluni kiisalu SAS-p gruppiisa suliffeqarfiutaani. Lars Sandahl-Sørensen siornatigut aningaasaliisartut selskabiini aamma   aningaasaateqarfinnut siunnersortaanertut sulisimavoq, ISS-group-imut niueqatigiinnermut pisortaasimavoq, Visit Denmark-ip/Danmarks Turistråd-ianut pisortaanerusimavoq, DI-imi nunanut assigiinngitsunut tunngasunut siunnertaanerusimavoq aamma Nunanut allanut ministeriaqarfimmi atorfeqarsimavoq. Lars Sandahl-Sørensen nunat assigiinngitsut akornannut tunngasunut ilinniagaqarpoq aqutsinermut, iliuusissanik pilersaarusiornermut, aningaasaqarnermullu tunngasunut. Ilaatigut Japan-imi, Tuluit Nunaanni, USA-mi aamma Australiami najugaqarlunilu sulisimavoq.

Powerpoint aajuk

 

Naaja Hjelholt Nathanielsen

Aningaasaqarnermut Naligiissitaanermullu Naalakkersuisoq. Inuit Ataqatigiit sinnerlugit Inatsisartunut ilaasortaq 2009-imiit 2016-imut. Naaja Hjelholt Nathanielsen cand.psyk.-itut ilinniagaqarpoq aamma siornatigut Kalaallit Nunaata Kriminalforsorgiani pisortaasimavoq.

 

Torben M. Andersen

Professori, Institut for Økonomi, Århus-ip Universitetiani. Kalaallit Nunaanni Aningaasaqarneq Pillugu Siunnersuisoqatigiinnut siulittaasoq. Siornatigut Velfærdskommission-imut aamma Qallunaat Nunaanni Økonomisk Råd-imut siulittaasuusimavoq. Torben M. Andersen m.Sc.-itut London School of Economis-imi aamma lic.oecon.-itut Århus-ip Universitet-iani ilinniarsimavoq.

 

Mia Wagner

Qallunaaq niuernermik ingerlataqartoq. Suliffeqarfimmik Nordic Female Founders-imik aallarneeqataasoq, taakku qallunaat aallarnisaasartut annerusumik assigiinngitsunik sammisaqartarnissaat pillugit suliaqarput. Siornatigut Freeway-ip suliffeqarfissuanut pisortaanertut atorfeqarsimavoq, taassuma ingerlataraa, pigalugu aamma inerisarsimavaa nuannarineqartut quppersakkat arlallit isertarfiillu aamma suliffeqarfinnik aallartitsiniat inerisaanerannik ikiortarlugit.  Mia Wagner inatsisilerituutut ilinniagaqarpoq. Ukiakkulli 2018-imi TV-imi aallakaatittakkami “Løvens Hule-mi aningasaliisooqataasimavoq, DR 1-imi aallakaatinneqartartumi.

Powerpoint aajuk

 

Anne Stampe Olesen

Nordic Female Founders-imik aallarneeqataasoq, taakku suliaraat arnat nukittorsarnissaat kiisalu arnat inissisimanerat qallunaat nunaanni aallarnisaasutut. Aningaasaleqataasoq, siulersuisunut ilaasortaq aamma/imaluunniit suliffeqarfinnut assigiinngitsunut siulittaasutut – ilaatigut Seamless Basic-imi, Do Donuts, DeSonic, Beauty Boosters, Female Invest, Freeway il.il. Anne Stampe Olesen Roskilde Universititeaniit iluarsartuullugit pilersaarusianut allannguisumillu aquttussanut masteritut ilinniagaqarsimavoq aamma Professionshøjskolen University College Nordjylland-imi Sports management bacheloritut ilinniagaqarpoq.

Powerpoint aajuk

 

Anne Nivika Grødem

Visit Greenland-imi pisortaagallartoq. Aallarnisaasutut sulillaqqissoq aamma nerisassanik nuannarisalittut aallaaserinnittartoq, peqqissuunissamut aamma nerisassat maangaannartitsinermut. Visit Greenland-ip siulersuisuini siulittaasup tullia aamma marts 2022-imiilli suliffeqarfimmi pisortaagallartutut atorfilik.

Powerpoint aajuk

 

Johanna a Bergi

2015-imiilli savalimmiuni timmisartuutitileqatigiinni Atlantic Airways-imi pisortaasoq. Siornatigut savalimmiormiut/islandimiut umiarsuaatillit Faroe Ship-imi pisortaasimasoq. Johanna a Bergi Den Danske Eksportskole-imi tuniniaanermik pilerisaarinermillu ilinniagaqarpoq aamma suliffeqarfimmi aqutsisutut Robert Gordin University-mi Skotland-imiittumi. Pisortaasarsimanermi saniatigut Johanna a Bergi ukiorpassuarni siulersuisuni assigiinngitsuni ilaasortaasarsimavoq.

Powerpoint aajuk

 

Vivian Motzfeldt

Nunanut allanut tunngasunut, inuussutissarsiornermut niuernermullu Naalakkersuisoq. Siornatigut ilinniartitaanermut Naalakkersuisuusimasoq. Siornatigut Inatsisartunut siulittaasuusimasoq. Siornatigut Tunngavisumik inatsisissaq pillugu isumalioqatigiissitami siulittaasuusimasoq. Siumut-mi siulittaasup tullia. Vivian Motzfeldt ilinniartitsisutut ilinniarsimavoq aamma kulturimut inuiaqatigiillu oqaluttuarisaanerat pillugu bacheloritut naammassisimavoq.

 

Jens Frederik Nielsen

Demokraatinut siulittaasoq. Inatsisartunut ilaasortaq. Siornatigut inuussutissarsiornermut aatsitassanullu Naalakkersuisuusimasoq. Illunik tuniniaasartoq. Ilisimatusarfimmi inuiaqatigiit pillugit ilisimatusarsimasoq.

 

Aqqalu Jerimiassen

Atassummi siulittaasoq. Inatsisartunut ilaasortaq. Siornatigut inuussutissarsiornermut aamma nukissiornermut naalakkersuisoq. Siornatigut Avannaata Kommuniani kommunalbestyrelsimut ilaasortaasimasoq 1. viceborgmesteriusimasorlu. Aqqalu Jerimiassen-i serviceøkonomitut ilinniarsimavoq takornariartitsineq immikkut sammisaralugu.

 

James Richard Fergusson

Senior Vice President i Barrick Gold-imi, Afrikami gultimik- aamma kanngusanik piiavimmi, Kangia qiterlermi aamma Amerika Avannarlermi- Amerika Kujallermilu atorfeqartoq.

James Ferguson-ip suliarai Innuttaasunut Tungnasut aamma siunissaq ungasissoq isigalugu nunani arlalinni suliassat aningaasaliissuteqarfigineqarsimasut. Siornatigut Deloittemi piginneqataasimavoq aamma ukiuni 28-ini tuluit nunaanni sydafrikamilu tuniniaaffinni misilittagaqarfigai, aamma sulinermini ilaatigut Johannesborg-imi nunassarsinerit Moskvamilu suliaqarfigisimavai. Ferguson

James Ferguson Oxford Universititimiit kandidatiuvoq aamma ilaasortaaffigivai The Institute of Chartered Accountants in England and Wales.

 

Michael Jardine

Pisortaq, Ironbark Zinc Ltd.

Powerpoint aajuk

 

Elna Heilmann

Ilinniartitsisut kattuffiannut IMAK-imi siulittaasoq. Siornatigut ukiorpassuarni Maniitsumi atuarfimmi pisortaasimasoq.

Powerpoint aajuk

 

Jacob Nitter Sørensen

Air Greenland-imi pisortaaneq. Siornatigut flyvechef-iusimasoq, sungiusarnermut aamma timmisartuutiligeqatigiiffimmi timmisartortartut pisortarisimasaat. Jakob Nitter Sørensen timmisartortartutut ilinniarsimavoq aamma Air Transport Management-imi masteritut University of London-imi ilinniarsimavoq.

Powerpoint aajuk

 

Saniatigut pisut - ulloq siulleq

Powerpoint aajuk

Saniatigut pisut - ulloq marluk

Powerpoint aajuk

Text/HTML