X
GO
kl-GLda-DKen-GB
Enter Title

 

Siunertaq

 

Oqaluuserisassaq nutaaq aningaasarsiornikkut siuariartorneq: Qanoq iliussaagut – takorluukkaniik iliuuseqarnissaq?

Taanna apeqqut annertoorujussuaq ataatsimmiinnermi 2022-imi qulequtaralugu Sulisitsisut kissaatigaat, peqataasut sapinngisamik piviusunik akissuteqarniarumaartut, maannakkut politikkikkut aalajangiisartut aamma inuussutissarsiortut maani massakkullu qanoq iliorlutik piviusunik angusaqarsinnaanersut, uuttorneqarsinnaasunik naammassisassat: Suliffeqarfiit ingerlalluartut, privatitut inuussutissarsiornermik ingerlataqartut amerliartortut aamma minnerunngitsumik aallartisaaniartut amerlanerit.

Future Greenland siumut isigivoq aamma Kalaallit Nunaata periarfissai amerlasuut ukkatarai taassuma ataaniipput mittarfiit nutaat pingaaruteqarnerat nunallu assigiinngitsut akornanniit tikinneqarsinnaaneq. Tassani pineqarpoq aningaasaliisuteqartussanik soqutiginninneq nutaamik pilersinneqarnissaa, inuussutissarsiutit pioreersut kisiisa pinnagit kisianni aamma ilaatigut takornariaqarneq aatsitassarsiornerlu: Suut iliuusissatut pilersaarutaappat, anguniakkat aamma minnerunngitsumik iliuusissatut pilersaarutit.

Anguniakkanut aqqut illua tungaatigut isumaqarpoq ajunngitsumik qulakkiissallugu patajaatsunik ersarissunillu politikkikkut sinnaakkutissanik piumasaqaateqarnissaq, taamaasilluni Kalaallit Nunaanni aningaasaliissuteqarnissaq pilerinarnerulersillugu. Aningaasaliissuteqartussat Kalaallit Nunaat tatigisariaqarpaat. Tamatuma saniatigut pisariaqarpoq ullutsinnut naleqquttumik inuussutissarsiutinut- akileraarutinullu inatsiseqarnissaq, ilinniartitaanermut tunngasut ingerlalluartut.

Illua tungaanili aningaasaliissuteqartartut suliffeqarfiillu pitsaasunik atugassaraqartinneqarnertik akilertariaqarpaat inuussutissarsiutinik nutaanik pilersitsinernik, taamaasilluni inuiaqatigiit aningaasarsiornikkut minnerusumik ajortiasuutinnagu, aamma amerlanerusunik suliffissaqartitsilluni amerlanerusunillu akileraarutinik isertitsilluni taamaasillunilu pisortat sullissinerisa qaffasissusiannut akiliilluta kissaatigisarput malillugu.

Text/HTML