X
GO
kl-GLda-DKen-GB
Enter Title

 

 

 

 

 

Aningaasarsiornikkut siuariartoqqinnissaq pillugu oqaluuserisassaq nutaaq: Qanoq iliortoqassava – takorluukkaniit iliuuseqarnissamut?

 

Call for papers – allattariarsorluni ataatsimiinnermut ilanngutassat

Sulisitsisut ”call for papers”-inik qaaqqusipput inuussutissarsiornermi ataatsimiinnissaq Future Greenland sioqqullugu, taanna pissaaq Nuummi 18. – 19. maj 2021-imi qulequtaralugu Aningaasarsiornikkut siuariartoqqinnissaq pillugu oqaluuserisassaq nutaaq: Qanoq iliortoqassava – takorluukkaniit iliuuseqarnissamut?

 

Ataatsimiinneq pillugu

Ataatsimiinneq qulequttani tunngavigalugu ulluni marlunni ataatsimiinnermi sammisassanik oqallisissanik oqallinnernillu inissiivoq:

1. Tungavisumik inatsit – Naalagaaffigeqatigiinneq – Illersornissaq: Inuussutissarsiutinut periarfissanut sunniuteqarneq

Kalaallit Nunaata tunngaviusumik inatsisissaat pillugu isumalioqatigiissitap suliaanut tunngatillu aamma Arktissimi nalinnginnaasumik politikkikkut isumannaalisaanerup ineriartornera pillugu, ataatsimiinnerup 2021-imi misissorluarumavaa, qanoq Kalaallit Nunaata Qallunaat Nunaatalu Naalagaaffeqartigiinnerat sunnerumaarneraa. Ataatsimiinneq majimi 2019 pereersorlu Kalaallit Nunaat nunarsuarmi tusagassiuutitigut eqqumaffigineqartorujussuanngorpoq: Kalaallit Nunaannik soqutiginneqqilernerup aningaasaliisussat Kalaallit Nunaannik isiginninnerat sunnerpaat; assilissat assigiinngitsut inuussutissarsiutissanik amerlanerusunik periarfissallit isigaagut imaluunniit killilersorneqartut? Qanoq Naalagaaffigeqatigiinnermi pisoqassava?

 

2. Qanoq mittarfiit nutaat inuussutissarsiutinut nutaanut periarfissanut sunniuteqassappat assersuutigalugu takornariaqartitsinermut aamma aatsitassarsiornermut?

Kalaallit Nunaanni sanaartornermi pilersaarutit annersaat 3,2 milliard koruuninik nalilik 2019-imi aallartinneqarpoq qallunaat naalagaaffiannik tapersiivigineqarnikkut, 2023-imilu nunat assigiinngitsut akornanni mittarfissat marluk Nuummi Ilulissanilu ammarneqassapput. Piffissaq tamanna ingerlapallassaq aamma apeqqut annertooq tassalersoq unaavoq, kiap sorleq suliarissavaa, taamaasilluta attaveqaqatigiinnermi pitsannguineq annertooq iluaqutiginiassagutsigu soorlu takornariaqarnerulernissaq aamma aatsitassanik piaanerup annertusarnissaa – piviusumik.

Taamaattumik ataatsimiinermi apeqqut qitiulluinnartoq unaalerpoq, kina suliaqalereerpa imaluunniit kina aningaasaliissalluni pilersaarpa. Suna periarfissanut taakkununnga nutaanut naatsorsuutigineqarpa, attaveqaqatigiinnerup nutaap pilersitaanut? Naalakkersuisullu inatsisartut peqatigalugugit inuussutissarsiutinut nutaanut aningaasalinissamut qanoq iliorlutik pilerinarsaasinnaappat? Aallartitsimmallannut periarfissiivugut, takunnissinnaasunik periarfissanullu nutaanut aningaasaliissuteqarumasunut? Inatsiseqarnerput aamma aningaasaliinissamut atugassarititaasut ullutsinnut naleqquppat aamma nunanut allanut unammillersinnaappat? Periarfissanut sorlernut aamma ernumassutinik sorlernik aningaasaliissuteqartut ersersitsippat, Kalaallit Nunaannut nunanut allanut taarsiullugu aningaasaliinissaminnik eqqarsaateqaraangamik?

 

3. Sulisussat – ilinniartitaaneq - inuusuttut

Suliffeqarfiit maannakkut unammillernarnerpaartitaat tassaavoq annertusiartuinnartumik sulisussanik amigaateqarnertik. Pisortat ingerlatsivii, maannamut sulisinnaasuniit 40 %-tit tikillugit sulisoqareersut, suli alliartorput aamma privatimik suliffiutilinnut unammillernerat sulisussanik piukkunaatilinnik unammillernerat annertusiartorpoq.

Aningaasarsiornermik nukittuumik ajortiasuunngitsumillu takorluugaq piviusunngussappat, taava piumasaqaataavoq privatitut suliffinnik ingerlatsisut, suliffeqarfittut inuussutissarsiutini nutaani amerlanerujussuusariaqarnerat. Taamatut takorlugaaqarneq takorluuginnagaassaaq, sulisussat piginnaanerillu peqanngippata, kiisalu pisortat ingerlataat amerliartuinnassappata aaqqissuusseqqinnerit pisariallit pilersinneqartinnagit.

Taamaattumik Future Greenland-imi 2021-imi ataatsimiinnermi oqaluuserisassani atuarfik, ilinniartitaaneq aamma sulisussanik pissarsinissaq annertuumik pingaartipparput. Inuussutissarsiutinik ineriartortitsinissaq sulisussanik piukkunnaatilinnik peqanngikkaanni. Qanoq ililluni sulisussanik pitsaanerusumik ilinniarsimasunik periarfissarujussuaq naammassineqarsinnaava? Qanoq ililluni ilinniartitaanermi pitsaassuseq aammalu inernissai kivinneqarsinnaappat?

 

Call for papers pillugu

Siuariartorneq aamma atugarissaarneq sammisamik pimoorussinermik tunngaveqarpoq, inuiaqatigiit oqallinnerannut tunngatillugu. Taamaattumik aalajangiisuusumik pingaaruteqarpoq, oqallinnermi sammineqartut maannakkut peqataasunut tamanut piviusunngortissallugit. Taamaattumik Sulisitsisut soqutiginnittunut ataatsimiinnissamut ilaatinneqartussanik aallaaserisanik  nassiusseqquvoq.

Call for papers oqariartaasiuvoq aalajangersimasoq allaaserisanik nassiusseqqunermut/ilisimatusarnikkut suliarineqarsimasut/sammisanut oqallissaarutit, ataatsimiinnermut tunngassutilinnik.

Future Greenland 2021-imut allaaserisat ilanngutassat ataatsimiinnermi sammineqartussanut tunngassuteqassapput, uani allaaserineqartut aamma tunuliaquttatut aallaaserineqartut ataatsimiinnissami uani www.futuregreenland

Call for papers Future Greenland 2021-imut: Aningaasarsiornikkut siuariartoqqinnissaq pillugu oqaluuserisassaq nutaaq: Qanoq iliortoqassava – takorluukkaniit iliuuseqarnissamut? Nassiussinissamut killiliussat:

Killiliussat

  • 1. januar 2021 – allaaserineqartup imaanik naatsumik nassuiaateqarneq (amelanerpaamik oqaatsit 150) nassiussineq
  • 14. januar 2021 – allaaserisamik tigusaqarsimanermik uppernarsaammik nassiussineq
  • 1. april 2021 – allaaserisamik naammassisamik nassiussineq (qupp. 4 – 10)
  • 1. maj 2021 – allaaserisanik ilanngunneqarsimasunik saqqummiussinq

Piumasaqaatit

Aallaaserisatut ilanngunneqartut tulliuttuni oqaatsit taneqartut atorlugit nassiunneqarsinnaapput: tuluttut, qallunaatut imaluunniit kalaallitsut killiussat taaneqartut iluanni.

Allaaserisanik nassiussisoq nassiussanut piginnittussaatitaavoq.

Sulisitsisut allaaserisamik tigusinissaminut imminut piginnaatippoq ataatsimiinnerup nalaani aamma nassiussisoq inerniliilluni saqqummiussinissaanik peqqusisinnaavoq

Allaaserisap suliarineranut aningaasatigut tapiissuteqartoqassanngilaq.

Ilanngussassat Erik Holmsgaard-imut nassiunneqassapput: erik@ga.gl 

Ataatsimiinnissamut paasissutissat annertunerusut: www.futuregreenland.gl 

Text/HTML