X
GO
kl-GLda-DKen-GB
Enter Title

Call for papers – Fure Greenlandimik taallugu ataatsimeersuarnissamut allaganngorlugit ilanngukkumasat

Kalaallit Nunaanni Sulisitsisut (GE) matumani Future Greenland 2019-imik taallugu ataatsimeersuartitsinissaq qulequtaqartyinneqartoq "Aningasaqarnikkut kiffanngissuseqarneq aammalu politikkikkut namminersorneq - Qanoq anguneqassappat?" pitinnagu "allaganngorlugit ilanngukkusutaqartunut" nassitsinissamut aggersaavoq.

Ataatsimeersuarnissaq

Qanoq isumaqarpat aningaasaqarnikkut kiffaanngissuseqarneq aammalu politikkikkut namminersorneq?

Nunarsuarmi "qumaraluttuinnartumi" nunat tamarmiusut nioqqutissiaannik, sullississutigisinnaasaannik sulisullu nuttartarnerisa ajornarunnaariartuinnarfigisaanni, taamallu kikkut tamarmik imminnut pisariaqartikkiartuinnarfigisaanni internetsikkullu ingerlanneqartut annnertoqisut killeqarfeerullutik siammaakkiartuinnarfigisaanni, nunarsuarmi tamatut ittumi taava  aningaasaqarnikkut kiffaanngissuseqarneq suua?  Aningaasaqarnikkut annertusaaneq qanoq ittoq pilersinneqartariarpa, nunatta karsia avataanit tapiiffigineqanngitsumik ingerlasinnaalissappat? Danmarkimit  annertussusiligasumik ukiumut tapiissutaasartoq peerpat atugarissaarneq qanoq annertutigisumik allanngussava? Uagut qanoq pikkorinnerulerlutalu eqiasuinnerulertigisariaqassaagut? Nunarsuarmilu nunatsinnut allanit aningaasaleerusussuseq timitalerneqassappat, taava tamakku qanoq piumasaqaateqassappat, annaasaqarsinnaallutik niuernerpalaartumik aningaasaleerusussappata?

Politikkikkut namminersorneq sunaava, aningaasaqarnikkut imminut napatissinnaaneq piunngippat? Nunarsuarmi assigiinngitsunik sumiiffeqarfiusumi, nunat isumannaallisaanermut polikkeqarfiusumi, niuernemut assiiginngitsunik soqutigisaqarfiusumi aammalu suut tamaasa akimorlugit suleqatigiinneqarfiusumi, taaguutsit suuppat, tassanilu Kalaallit Nunaat angeqisumik nunataqartoq tamakku akornani, pisuussuterpassuaqarluni suli atorneqanngitsunik inukeqalunili sumut tummassava? Qanoq iliorluta suleqatissat eqqortut nassaarissavagut suulu illersoqatigiinnissaq eqqarsaatigalugu iigarfigissavagut? Politikkikkut namminersornissaq eqqartoneqartillugu Naalagaaffeqatigiinneq atatiinnassava imaluunniit kipineqassava?

Tassa innuttaasut oqallinneranni taaguutit sammineqartut erfattutut ipput erseqqissuunatik, aammalu oqaatsit isumaqartinnissaat isumaqatigiissutigikannerneruleraluarutsiguluunniit, taava suut tunngaviulluinnalissappat, taamaalluni Kalaallit Nunaat avammut suaarsinnaalerpat aningaasaqarnikkut pituttugaajunnaarluni politikkikkullu namminersulerluni?  

Siuariartorneq atugarissaarnerlu piussappata aamma pisariaqarput inuiaqatigiit akornanni oqallinnermi taneqartut suunerisa pimoorunneqartumik inissinneqarnissaat. Taamaattumik pingaaruteqarluinnarpoq, oqallisaallutik sammineqartut qanittutut nunamullu tunngasutut inissinnissaat aammalu oqalliseqataasunut tamanut toqqartumik piviusorsiorpalaartumillu anngune-qarnissaat. Taamaattumik Sulisitsisut soqutiginnittut tamaasa kaammattorpai ataatsimeersuarnissamut allagaqarlutik ilanngukkusutaminnik nassitsiortoqqullugit.

Call for papers (allaganngortlugit ilanngukkusussinnaasat) pillugit

”Call for papers” aaliangersimasumik taaguutaavoq, allagaqarluni ilannguukkusutanik nassiussaqarnissamut aggersaanermi,  tamakkulu ilisimatusarnermut sammisinnaapput, ataatsimeersuarnermulluunniit siunniussaasut iulini immineq aaliangersimasunik qulequtsiilluni oqallissaarutaasinnaallutik

Ataatsimeersuartitsinermi pingaarnertut anguniarneqarpoq, sukumiisumik itisiligaasumillu samminiakkamik taaneqartumik " sunniuteqarluarnerpaanik inatsisinullu naapertuuttunik politikkikkut aliangiisarnissat"-mik paasinarsaa-nissaq?  

Taamaattumik Future Greenland 2019-imut allaganngorlugit ilanngukkumasat sammisamut uunga tunngassuteqartuussapput: Kalaallit Nunaanni inuiaqatigiinni aaliangersaariaatsit, unammiornartutut pigineqartut aammalu aaqqiissutaasinnaasut.  

”Call for papers” imatut killilersuutitut ullulersugaapput:

Killiliussat

* 1. januar 2019 ilanngukkusutaasup imariumaagai naatsumik nassuiarneqarlutik ilisaritinneqassapput (annertunerpaamik oqatsit 300-ut atorlugit)

* 14. januar  2019 akissuteqartoqassaaq ilisimatitsissutigineqarluni ilanngukkusutaq ilanngunneqarumaarnersoq.

* 1. april 2019 ilanngukkusutap tamakkiisumik saqqummiunnera nassiunneqassaaq (quppernerit 4 - 10)

* 1. maj  2019 uagut tungitsinnit allaganngorlugu ilanngunneqartoq saqqummiunneqassaaq

Piumasarisat

Allaganngorlugu ilanngukkumasaq piffissaliissutit iluini nassiunneqarsinnaa-voq tuluttut, qallunaatut imal. kalaallisut.

Nassiussisup nassiussani nammineq piginnittuuffigissavaa.

Kalaallit Nunaannili Sulisitsisut piginnaatitaaffittut ammatippaa ataatsimeersuarnerup ingerlanerani allagaqarluni ilanngussap ilanngullugu atorsinnaanera.

Allagaqarluni ilanngukkumasat suliarinerinut  aningaasatigut tapiissuteqartoqarsinnaanngilaq.

 

Ilanngukkumasat uunga nassiunneqassapput: Erik Holmsgaard: erik@ga.gl
 

Text/HTML