X
GO
kl-GLda-DKen-GB
Enter Title

Akisarsiassartalerlugu suliakkiissut

Sulisitsisut (GE) tungaanit inuussutissarsiornermut politikkip inuiaqatigiinnilu ineriartornerup soqutigineqarnerulernissaat kissaatigineqarpoq. Taamaattumik Sulisitsisut suliassamik saqqummiussipput akissarsiassartaligaasumik   "Future Greenland"-imik taasamik, qaffasissumik suliaasumik (bacheloriinngorniarnermi kandidatinngorniarneriluunniit suliat qaffasissutissaattuut  qaffasissuseqartumik), suliakkiissuteqarpoq.

Akissarsiarititassaq pineqartoq Future Greenlandimi ataatsimeeersuarnermi ulloq 14. maj 219 pisussami tunniunneqassaaq. Sammitinniarneqartoq tassaavoq: ”Kalaallit  Nunaata aningaasaqarnikkut kiffaanngissuseqalerumalluni politikkikkullu namminersulerumalluni anguniagassaa kinguneruslersinnaajumaartullu".

Suliaq allaganngorlugu elektroniskiusumilluunniit (nipitut assitalerlugu assitalernaguluunniit suliatut) tunniunneqarsinnaavoq.

Suliassami sammisassat

14. aamma 15. maj 2019 Future Greenlandimi ataatsimeersuarnermi GEmit kissaatigineqarpoq oqaatsit - aningaasaqarnikkut kiffaanngissuseqarneq aammalu politikkikkut namminersorneq - ataatsimoorussaanerusumik paasineqalernissaat

Suliaqarnermi makku sammineqarsinnaapput:

  • Inuiaqatigiinni aningaasaqarnikkut annertusaaneq qanoq annertutigissava akileraarutitigut isertinneqarsinnaasunngussagaanni, naalagaaffiup ukiumut aningaasaliissutigisartagai suliassallu maanna naalagaaffiup tigummisaasa angerlaassornissaannut aningaasartuutissat matuneqarsinnaalissappata. Innuttaasut sulisinnaasullu qanoq amerlisariaqassappat, sulisussatut pisariaqartinneqalersussat matussuserneqarsinnaassappata?

 

  • Inuiaqatigiinni ineriartornermi ilusaasinnaasut, pisortani namminersortullu akornanni, aningaasaqarnikkut annertusaaneq pisariaqartoq anguneqassappat,  sulisussat pisariaqalersussat amerlinissaat nalilersukkit.

 

  • Aatsitassalerinermut, takornarialerinermut aammalu inuussutissarsiutini allani, inuussutissarsiornikkut ineriartorsinnaasut nalilersukkit, tunngavigalugit akileraarutitigut isertinneqartartussat pisariaqartinneqartut annertussusissaat, angussagaanni naapertuuttumik aningaasaqarnikkut annertusaanissaq.

 

  • Kalaallit Nunaanni inukitsumi aningaasaqarniarneq ammasorujussuaq avataanit tikisitsisarnissamik avammullu tunisaqarnissamik pisariaqartitsiviusoq  aallaavigalugu aningaasaqarnikkut kiffaanngissuseqarneq qanoq imaqartinneqassasoq nalilersoruk.

 

  • Nunarsuarmi "qumaraluttuinnartumi" soorlu tuniniaavissanut isumannaallisaanissamullu atasutigut akunnermi pisariaqarteqatigiinnermik annertusiartorfiusumi politikkikkut namminersornermik oqartarneq qanoq paasineqassava? 

 

  • Nassuiakkit Kalaallit Nunaanni pisortat aqutsisoqarfiisa ilusilernissaannut periarfissaasinnaasut, suliassat ullutsinni naalagaaffimmit tigummineqartuusut pisortat imminneq kivittussanngussappatigit  - ajornanngippat tamanna nassuiarneqassaaq naalagaaffinni mikisuni allani aqutseriaatsit ilusaannut sanilliussuilluni.

 

Sammitinniakkap iluani sammineqarsinnaasut allat, unammisitsinermi aamma ilanngunneqarlutik peqataatinneqarsinnaapput.

 

Unammisitsinermi kikkut peqataasinnaappat?

Unammisitsineq kikkunnut tamanut ammavoq oqaatsillu ukuusut pingasut atorlugit suliat ingerlanneqarsinnaallutik; Tuluttut, qallunaatut kalaallisulluunniit.

Sulianut atatillugu annerpaamik quppernerit pingasut takissuseqartumik eqikkagaasumik ilanngussisoqassaaq, tassani nassuiarneqarlutik saqqummiunneqassallutik ajornartorsiutit suut sammineqartut, aaqqiissutaasinnaasutut isummersuutit aammalu pingaarnertut naliliinerit.

Nalilersuinermi tunngavissat

Suliaq naammassineqassaaq bachelorinngorniarluni Kandidatinngorniarluniluunniit soraarummeernermi 10-miit 12-imut karakterinnassutigineqarsinnaasunngorlugu.

Pingaartinneqarpoq, suliap nutaanik isiginnittaatsinik takussutissiinissaa tunngavigalugit inuiaqatigiit allanngoriartornermilu ingerlanneqartut, inuiaqatigiit kalaallit iluini maanna nutaatullu inuussutissarsiornerit iluini aningaasaqarnerup alliartornera avataaniillu sulisoqartariaqaleriartorneq ilutigalugit ingerlasut paasinissaat. 

Nalilersuisartussat

Sulisitsisut/GE naliliisussanik pilersitsinikuuvoq ukuninnga inuttalersugaasumik:  Gitte Adler Reimer (rektor, Ilisimatusarfik), Anne Merrild Hansen (Ilisimatooq & Forskningscentret for Arktisk Olie og Gas-imut sammisuni pisortaq, Ilisimatusarfik), Rasmus Leander Nielsen (Adjunkt, Inuiaqatigiit pillugit ilisimatusarfik, Ilisimatusarfik) aammalu Naja Paulsen (Immikkoortortaqarfimmi pisortaq, Tusagassiortunngorniarfik, Ilisimatusarfik).

Akissarsiassamik tunniussineq

Akissarsiassartalerlugu suliakkiissummi ajugaasup aqqa persuarsiorpalaartumik aaqqissuussami ulloq 14. maj 2019, ilisaritinneqarluni saqqummiunneqarumaarpoq. Akissarsiassaappullu koruunit 15.000-it. Akissarsisitsinermullu atatillugu ajugaasoq suliani pillugu nassuiaatinneqarluni saqqummiussitinneqarumaarpoq.

Suliamik tunniussinissamut killiliussaq

Suliaq eqikkaassusiarlu elektroniskiusumik (emailimut) nassiunneqarsimassaaq kingusinnerpaamik ulloq 22. april 2019.

Akissarsiassartalerlugu suliakkiissuut PDF-fil UANI

Text/HTML