X
GO
kl-GLda-DKen-GB
Enter Title

 

 

Aningaasarsiornikkut atuilluartuusumik ineriartorneq aningaasaqarnikkullu kiffaanngissuseq qanoq ililluta anguniassaneripput siunnersuuteqarit 15.000 kr.-inillu ajugaallutit.

 

Sammisaq

Future Greenland 2022-ip ingerlanneranut atatillugu, Kalaallit Nunaanni Sulisitsisut akississarsiassamik tunissuteqassapput siunnersuummut pitsaanerpaamut, qanoq ililluta Kalaallit Nunaanni atulluartuusumik aningaasarsiornikkut ineriartortissaneripput aamma aningaasaqarnikkut annerusumik kiffaanngissuseqalernissarput pilersinissaanut.

Illit nammineq suna samminiarnerlugu toqqassavat taamaallat sammisamut ”aningaasarsiornikkut atuilluartuusumik ineriartorneq aamma aningaasaqarnikkut kiffaanngissuseq” allaaserineqassaaq. Isumassarsitinneqarusukkuit taava sammisassat periarfissaasinnaasut assersuutigiinnarlugu ukuusinnaapput inuussutissarsiutitigut ineriartorneq, nunarsuarmut siaruarneq, ilinniartitaaneq, inuiaqatigiit (agguataarnerisa) allaatigineqarnerat, pisortat ingerlatsinerat imaluunniit atuilluartuuneq.

Annertussusia

Annertussusissaa nammineq aaliangissavat. Ilinniagartuutut misissuinerusinnaavoq imaluunniit itinerusumik tusagassiornikkut allaaserisaasinnaavoq kisianni aamma TV-ikkut/radiukkut aallakaatitassiaasinnaavoq, blog-ikkiusinnaavoq, podcast, assilisanik takusassiaq imaluunniit allarluinnaq.

Annertussusia qanoq ikkaluarpalluunniit ilanngussamut ilanngunneqassaq qupperneq ataatsimik (1) eqikkaanertalimmik, tassani allaaserineqassaaq ajornartorsiutip qinikkap allaaserineqarnera aammalu eqqarsaatit aaqqiissutissatut allaaserineqartut.

Taassuma saniatigut ajugaasup allaaserisani akissarsinermut atatillugu saqqummiinissaa naatsorsuutigineqarpoq.

Kikkut peqataasinnaappat?

Unammisitsineq tamanut ammavoq aamma kalaallisut, qallunaatut tuluttulluunniit allaaserineqarsinnaavoq.

Nalilerneqarnera

Pingaartinneqassaaq allaaserineqartup inuiaqatigiittut ineriartornitta isiginneriaatsit nutaat atorlugit killiffialu allaaserineqassasoq periarfissallu/unammillernartut nassatarisai ilanngullugit.

Naliliisussanik pilersitsisoqarnikuuvoq ukunannga inuttaqartumik:

  • Gitte Adler Reimer (rektor, Ilisimatusarfik)
  • Anne Merrild Hansen (Professor & Leder af Forskningscentret for Arktisk Olie og Gas, Ilisimatusarfik)
  • Rasmus Leander Nielsen (Adjunkt, Afdeling for Samfundsvidenskab, Ilisimatusarfik)
  • Naja Paulsen (Afdelingsleder, Afdeling for Journalistik, Ilisimatusarfik).

Akissarsiassamik tunisineq

Ajugaasoq tamanut saqqummiunneqassaaq Future Greenland-imi ulloq 17. maj 2022 15.000 kr.-inillu akissarsisinneqarluni.

Suliamik tuniussinissap piffissalerneqarnera

Allaaserisaq eqikkarneralu elektroniskimik kingusinnerpaamik ulloq 22. april 2022 nassiunneqareersimassaaq.

Text/HTML